Studiya
Idrok — o‘zbekcha «tushunish» degani. Har qanday loyihani mijozning biznesini tushunishdan boshlaymiz, Figma va kod muharririni keyin ochamiz.
2022-yilda telekanallar va media uchun saytlardan boshladik: MY5, Solnechniy TV, MiMi TV, Platina, Paradigma. Media — talabchan mijoz: efirlar, cho‘qqi yuklamalar, har soatda yangi kontent. Bu tajriba hali ham biz uchun mezon.
Keyin yuristlar, ta’lim loyihalari va davlat tanlovlari keldi. Telegram botlarimizdan biri bir mavsumda 250 mingdan ortiq ro‘yxatdan o‘tishni qabul qildi — va to‘xtab qolmadi.
Shu bilan birga o‘z mahsulotlarimizni ham yaratamiz: Damka.uz, Shajara, Xonadosh. Bu bizning sinov maydonimiz — yangi texnologiyalarni avval o‘zimizda sinab ko‘ramiz, keyin mijozlarga olib boramiz.
Tamoyillar
To‘g‘ridan-to‘g‘ri
Loyihani bajaradiganlar bilan gaplashasiz. «Dasturchilarga yetkazaman» degan gaplar yo‘q.
Kod va domen — sizniki
Hammasi mijoz nomiga rasmiylashtiriladi. Ketmoqchi bo‘lsangiz — loyihani to‘liq olib ketasiz.
Sinalgan texnologiyalar
Modani emas, ishonchli stekni tanlaymiz. Tajribalar — faqat o‘z mahsulotlarimizda.
Uzoq muddatga
MY5 bilan 2023-yildan, Legal Alliance bilan 2022-yildan beri ishlaymiz. Bizga uzoq hamkorlik qiziqroq.
Jamoa
Loyihalarni birinchi suhbatdan ishga tushirishgacha olib boradi. Arxitektura, backend, DevOps, ba’zan SEO va reklama.
UI/UX, logotiplar va brendbuklar. Solnechniy TV, MiMi TV, Platina va Legal Alliance logotiplarini chizgan.
Next.js, Nuxt, eski Android’larda ham buzilmaydigan vyorstka. Saytlar tezligi uchun javobgar.
Django, FastAPI, PostgreSQL, Telegram botlar. Milliy tanlov serverni yiqitmasligini ta’minlaydi.
Flutter, iOS va Android, Telegram Mini App. Apple ilovalarni nega rad etishini va bunga qanday yo‘l qo‘ymaslikni biladi.
Bizga ishonishadi
O‘z mahsulotlarimiz
Avtomaktablar.uz
2026O‘zbekiston avtomaktablari, instruktorlari va avtodromlari katalogi
Damka.uz
2024–2026Rus shashkasi bo‘yicha onlayn platforma: veb, ilova, bot va AI raqib
Shajara
2026Oila shajarasi va avlod tarixi uchun platforma
Vazifa bormi? Yozing — muhokama qilamiz.
Telegram’da to‘g‘ridan-to‘g‘ri studiya asoschisiga yozing. Nima kerakligini ikki og‘iz so‘z bilan ayting — savollar va taxminiy baho bilan javob beramiz.