Sayt va ilovalar uchun UI/UX dizayn

Bitta qisqa misol, nega interfeysni O‘zbekiston uchun tarjima bilan emas, alohida loyihalash kerakligini ko‘rsatadi. Inglizcha «Sign up» ikki so‘z. O‘zbekcha «Ro‘yxatdan o‘tish» deyarli ikki baravar uzun, ruscha «Зарегистрироваться» esa umuman bitta katta so‘z. Inglizcha dizayn qilingan tugma uch tilli saytda albatta buziladi. Biz maketlarni darhol eng uzun til bilan tekshiramiz.

Bundan tashqari, bizda o‘ziga xos sharoit bor:

• auditoriyaning katta qismi kichik ekranli arzon Android telefonlardan kiradi;
• o‘zbek tili lotin va kirill yozuvida yashaydi, ba’zan bitta saytda ikkalasi kerak;
• mijoz ariza qoldirishdan ko‘ra Telegram’ga yozishni afzal ko‘radi, shuning uchun Telegram tugmasi asosiy harakat bo‘lishi mumkin.

UX qayerdan boshlanadi. Ranglardan emas, savoldan: odam sahifaga nima uchun keldi va keyingi qadami qanday? IBN Express uchun (AQShda avtomobil tashish kompaniyasi) bosh ekranni bitta vazifa atrofida qurdik: jo‘natish va qabul qilish ZIP kodini kiritib, darhol narxni olish. Kontaktlar narx ko‘rsatilgandan keyin so‘raladi. Ariza bazaga tushadi va savdo bo‘limining Telegram kanaliga yuboriladi.

Murakkab ma’lumotlar. Platina yangiliklar sayti uchun UX/UI va logotipni ishlab chiqdik: siyosat, iqtisod, fan, madaniyat, sport. Rubrikalar ko‘p bo‘lsa, asosiy vazifa o‘quvchi muhim yangilikni topishi va rubrikalar shovqinida adashmasligi. Shajara, bizning oila shajarasi platformamiz, yanada qiyinroq: yuzlab qarindoshli daraxtni telefon ekraniga sig‘dirish va bir nechta odam uni bir vaqtda tahrirlashi kerak. Bu yerda dizayn va dasturlash birga ishlaydi.

Nega prototip pulga arziydi. Figma’da ekranni o‘zgartirish bir soat. Tayyor koddagi xuddi shu o‘zgarish bir necha kun. Shuning uchun avval oq-qora prototipda mantiqni tasdiqlaymiz va shundan keyingina rang, rasm va animatsiyaga o‘tamiz.

Qo‘lingizga nima tegadi. PDF’dagi rasmlar emas, ishchi Figma fayli: variantli komponentlar, setka, matn uslublari, ekranlarning barcha holatlari va mobil versiya. Dasturchi Dev Mode’ni ochib, dizayner bilan cheksiz yozishmasdan chekinish, rang va shriftlarni ko‘radi. O‘sib boradigan sayt uchun bu eng ko‘p tejaydi: yangi bo‘lim har bir sahifaga alohida maketsiz, tayyor komponentlardan yig‘iladi.

Narxlar. Landing dizayni $600 dan, 1–2 hafta. Korporativ sayt dizayni $1 200 dan. Mobil ilova yoki Mini App dizayni $1 500 dan. Katta mahsulot uchun dizayn-tizim $2 000 dan. Agar sayt yoki ilovani ham biz qilsak, dizayn umumiy loyiha narxiga kiradi.

Dizaynni Murodjon Maxmudov qiladi, u brendbuklar va logotiplar ustida ham ishlaydi, shuning uchun interfeys brendingizdan ajralib qolmaydi. Mavjud saytingizda qayerda mijoz yo‘qotayotganingizni bilmoqchi bo‘lsangiz, Telegram’da @Azamat_yamin’ga havolani yuboring.