Toshkentda saytni SEO orqali rivojlantirish

Bizga SEO bo‘yicha murojaat qiluvchilarning ko‘pchiligida bir xil muammo bor: sayt uch tilda, lekin Google faqat bittasini ko‘radi. Til cookie yoki JavaScript orqali almashadi, manzil esa bir xil qoladi. Qidiruv roboti bitta versiyani ko‘radi, qolgan ikkitasi uning uchun mavjud emas. Bunday holatda hech qanday maqola yordam bermaydi, avval texnik qismni tuzatish kerak.

O‘zbekistonda SEO’ning xususiyatlari. Google o‘zbekcha so‘rovlarda asosiy, Yandex esa hali ham rus tilida so‘zlashuvchi auditoriyaning sezilarli qismini olib keladi. Shuning uchun ikkala qidiruv tizimi uchun ham ishlaymiz. O‘zbek tilida qo‘shimcha murakkablik bor:

• odamlar bir so‘zni turlicha yozadi: «o‘quv markazi», «o'quv markazi», «oquv markazi» va kirillcha «ўқув маркази»;
• ba’zi so‘rovlar o‘zbekcha bo‘lsa ham ruscha yoziladi yoki aralash bo‘ladi;
• o‘zbekcha sahifalar rusicha va inglizchalarga qaraganda kamroq, shuning uchun bizning tajribamizda o‘zbekcha versiya ko‘pincha tezroq o‘sadi.

Har bir tilga alohida manzil. Ko‘p tilli SEO uchun asos: har bir versiyaning o‘z URL’i, hreflang teglar, har bir til uchun sitemap. Xalqaro yuridik firma Enlawyer saytida aynan shunday qildik: uch til, sitemap’lar, tashkilot, maqolalar va jamoa uchun tuzilgan ma’lumotlar. Toshkentdagi qadoq ishlab chiqaruvchi Excellent Print saytida ham rus, o‘zbek va ingliz versiyalari alohida yo‘llarda.

Xarita ham qidiruv. «Toshkent bosmaxona» yoki «Yunusobod stomatologiya» kabi so‘rovlarda Google avval uchta kompaniya ko‘rsatilgan xaritani, undan keyingina saytlarni chiqaradi. Mahalliy biznes uchun Google, Yandex Xaritalar va 2GIS’dagi profil ba’zan saytning o‘zidan ko‘ra ko‘proq murojaat olib keladi. Uni to‘liq to‘ldiramiz: kategoriyalar, rasmlar, ish vaqti, sharhlarga javoblar.

Biz nima qilmaymiz. Havolalarni ommaviy sotib olmaymiz va ma’nosiz «SEO matnlar» yozmaymiz. Bu tezda natija beradi, keyin esa jarima. Shuningdek, Google’da birinchi o‘rinni kafolatlamaymiz, buni hech kim halol kafolatlay olmaydi. Biz ishlar ro‘yxatini, muddatlarni va shaffof hisobotni kafolatlaymiz.

Natija qachon bo‘ladi. Ishlab turgan saytda texnik tuzatishlardan keyingi birinchi o‘zgarishlar odatda 1–2 oyda ko‘rinadi. Trafikning sezilarli o‘sishi 3–6 oyda. Yangi domen uchun ko‘proq vaqt kerak. Agar arizalar ertaga kerak bo‘lsa, SEO bilan parallel ravishda Google va Yandex’da kontekst reklamani yoqing.

Narxlar. Bir martalik texnik audit $300 dan. Kichik saytni rivojlantirish oyiga $300 dan, ko‘p tilli korporativ sayt oyiga $500 dan, internet-do‘kon oyiga $800 dan. Search Console, analitika va Biznes profili kabi barcha akkauntlar sizning nomingizda, biz faqat ularga kirish huquqi bilan ishlaymiz.

Saytingizda nima xalaqit berayotganini bilmoqchi bo‘lsangiz, havolani Telegram’da @Azamat_yamin’ga yuboring, birinchi kuzatishlarni bepul aytamiz.